17.10.2025
2025-жылдын 16-октябрында Адам университетинин 2-курсунун студенттери доцент М.Б.Абдыкадырованын жетекчилиги астында «Ачык эшиктер айы»
2025-жылдын 16-октябрында Адам университетинин 2-курсунун студенттери доцент М.Б.Абдыкадырованын жетекчилиги астында «Ачык эшиктер айы» акциясынын алкагында Кыргыз элинин тарыхы жана мурасы жөнүндөгү билимдерин кеңейтүү максатында Улуттук тарых музейине барышты.
Экскурсиянын жүрүшүндө алар Кыргызстандын байыркы жана орто кылымдардагы тарыхына, этнографиясына, жаратылышына жана заманбап искусствосуна арналган негизги экспозициялар менен таанышышты. Көчмөн маданиятын чагылдырган экспонаттар жана өлкөнүн ар кайсы аймактарынан табылган археологиялык табылгалар өзгөчө кызыгууну жаратты.
Экскурсия студенттердин улуттук тарыхка болгон кызыгуусун арттырууга, патриоттук сезимдерин жана маданий дүйнө таанымын калыптандырууга өбөлгө түздү.
