30.03.2026
2026-жылдын 30-мартында Адам Университетинде экономика багыттарынын 1-курсунун студенттери үчүн «Финансылык сабаттуулуктун жана коопсуздуктун негиздери» деген темада конок лекциясы болуп өттү
Иш-чара студенттердин жеке финансыларын башкаруу чөйрөсүндөгү базалык билимдерин жана практикалык көндүмдөрүн калыптандырууга багытталган. Лекция менен «Экономика, Менеджмент жана Туризм» программасынын доценттери, экономика илимдеринин кандидаттары Ю.В. Гусева жана Н.Ж. Жумабекова чыгып сүйлөшүп, заманбап шарттарда финансылык сабаттуулуктун негизги аспектилерин ачып беришти.
Иш-чаранын ардактуу коногу «Евразия Сактык Банкынын» ДОРиМ маркетинг бөлүмүнүн башчысы Коблицкий Алексей Гафурович болду. Өз сөзүндө ал практикалык тажрыйбасы менен бөлүшүп, финансылык алдамчылыктын кеңири жайылган схемалары тууралуу айтып берди жана жеке каражаттарды коргоо боюнча сунуштарын берди.
Лекциянын жүрүшүндө акча каражаттарын коопсуз сактоо, банктык продуктуларды туура пайдалануу, ошондой эле финансылык туруктуулукту жогорулатуу маселелери кеңири каралды. Өзгөчө басым финансылык чечимдерди кабыл алууда сын көз караш менен ой жүгүртүүнү калыптандырууга жана алдамчылык аракеттерди тааный билүүгө жасалды.
Лекция интерактивдүү форматта өтүп, студенттердин чоң кызыгуусун жаратты. Суроолорго эң жакшы жооп берген жигердүү катышуучулар банк тарабынан сыйлыктар менен белгиленишти. Бул иш-чара студенттердин финансылык маданиятын жогорулатууга жана жеке финансыларды башкарууга жоопкерчиликтүү мамилени калыптандырууга өбөлгө түздү.
