09.10.2024
2024-жылдын 4-октябрында университеттин 3-корпусунун 312-аудиториясында Кыргыз Республикасынын Министрлер Кабинети алдындагы Социалдык фонддун Окутуу борбору тарабынан уюштурулган пенсиялык камсыздандыруу боюнча семинар өттү.
Семинарда фонддун адистери пенсиялык камсыздандыруунун негизги аспектилери, мыйзамдардагы актуалдуу өзгөрүүлөр, пенсиялык жыйнактарды түзүүнүн мааниси жана механизмдери жөнүндө маалымат беришти. Иш-чаранын катышуучулары өздөрүнүн пенсиялык салымдарын оптимизациялоо жана пенсияга чыгуу боюнча практикалык кеңештерди алышты.
Семинар кызматкерлердин жана профессордук-окутуучулук составдын активдүү кызыгуусун жаратты, бул өзүнчө темада ачык талкууларды жана пикир алмашууларды жаратты.
