12.11.2025
Адам Университетинин ректору DEFA долбоорунун туруктуу өнүгүүсү боюнча тренинг өткөрдү
Адам Университетинин ректору DEFA долбоорунун туруктуу өнүгүүсү темасындагы тренингди долбоордун жыйынтыктоочу конференциясынын алкагында өткөрдү.
Тренингдин негизги максаты — институционалдык туруктуулукту чыңдоо, каржылык автономия моделин ишке ашырууну улантуу жана долбоордун натыйжаларынын постдолбоордук мезгилдеги туруктуу өнүгүшүн камсыз кылуу болду.
Иш-чарага Кыргызстандын жана Европа Биримдигинин жогорку окуу жайларынын өкүлдөрү катышып, туруктуулуктун алты негизги багытын — стратегиялык, кадрдык, каржылык, уюштуруучулук, коммуникациялык жана баалоо аспектилерин талкуулашты жана ар бир багыт боюнча өзүн-өзү баалоо жүргүзүштү.
Тренинг өнөктөш университеттер үчүн тажрыйба алмашуу жана каржылык автономия моделин университеттердин стратегиялык өнүгүү пландарына интеграциялоо боюнча практикалык кадамдарды аныктоо үчүн аянтча болуп берди.
