14.04.2026
Санариптик коопсуздук: студенттер үчүн семинар-тренинг
14-апрелде ИТОД программасынын окутуучулары «Маалыматтык системалар жана технологиялар» багытынын студенттери менен биргеликте университеттин студенттери үчүн киберкоопсуздук, жеке маалыматтарды коргоо жана интернеттеги алдамчылыктын алдын алуу боюнча семинар-тренинг өткөрүштү.
Иш-чаранын жүрүшүндө катышуучулар төмөнкүлөрдү үйрөнүштү:
• Санариптик чөйрөдө коопсуз жүрүм-турумдун негизги эрежелери;
• Фишингдик шилтемелерди жана алдамчылык билдирүүлөрдү кантип таануу керек;
• Аккаунттарды ишенимдүү сырсөздөр жана эки факторлуу аутентификация аркылуу коргоо;
• Онлайн-алдамчылардын курмандыгы болбоонун жолдору.
Өткөрүлгөн семинар-тренинг студенттердин санариптик сабаттуулугун жогорулатууга жана интернет тармагында коопсуз иштөөнүн практикалык көндүмдөрүн калыптандырууга жардам берди.
