09.04.2024
2024-жылдын 6-апрелинде Адам университетинин студенттери жана окутуучулары “Табиятты сактайлы” республикалык комплекстүү иш-чарасына кызуу катышышты.
Иш-чара университеттин студенттери жана кызматкерлери арасында экологиялык аң-сезимди калыптандыруу, айлана-чөйрөгө аяр жана сарамжалдуу мамиле жасоо, тазалыкты сактоо жана жаратылышты коргоо көндүмдөрүн өркүндөтүү максатында уюштурулду.
Акциянын алкагында университеттин аймагына жана Э.Гареев атындагы КР УИАнын Ботаникалык багына бак-дарактарды отургузуу уюштурулду. Ботаникалык бактын аймагы да тазаланып, жашылдандырылды.
